Barbara Furtuna hè un gruppu vucale corsu cumpostu di quattru omi. Puru ch’ella sia nutrita a so ispirazione à u più fondu di a tradizione isulana, hè per via di u so travagliu di creazione ch’ellu si spicca oramai, purghjendu una musica chì risponde à l’aspirazioni oghjinche.
Da una decina d’anni hè presente u gruppu nant’à a scena internaziunale, in Auropa, in America di u nordu o in Australia, pruducendusi in lochi prestigiosi, assolu o à travers’à cullaburazioni inattese. Sia cun l’inseme baroccu l’Arpeggiata, u tenore Plàcido Domingo o un c’hè tantu i musicanti belgi di Belem, u quartettu hà sappiutu dismustrà ch’ellu ùn si lasciava rinchjude in un registru unicu è chì a musica tradiziunale si palesa sempre apita à surprendeci è à emuziunacci.
